Plantun de Prouvènço

Pèr coumpara dos planto d'encò nostre

Persicaria lapathifolia & Hydrocotyle vulgaris

Persicaria lapathifolia

Polygonaceae

Noms en français : Renouée à feuilles d'oseille, Renouée à feuilles de patience.

Descripcioun :
Planto coumuno de ribiero e de prado umido. Li flour podon èstre roso o blanco. Se destrìo de Persicaria maculosa, pas pèr la taco sus la fueio que pòu l'agué elo peréu, mai pèr sa formo de fueio mai largo, l'absènci de péu sus la pichoto membrano subre li nous (ocrea -vèire la fotò) e peréu qu'a un pecou cubert de pichòti gibo (fotò).

Usanço :
Persicaria lapathifolia ajudo à lucha contro li proublèmo de saunamen ( règlo...), contro l'inflamacioun e peréu lou quiéu tapa. Li jouìni fueio se podon manja, mai pas de trop que i'a, coume pèr lis eigreto e li patiènci, d'acide óussali.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Persicaria
Famiho : Polygonaceae

Ordre : Caryophyllales

Coulour de la flour : Roso
Petalo : 3
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero - Prado umido
Estànci : Pancaro entresigna
Couroulougi : Pancaro entresigna
Ref. sc. : Persicaria lapathifolia (L.) Delarbre, 1800 (= Polygonum lapathifolium L., 1753 )

Erbo-di-granouio

Hydrocotyle vulgaris

Araliaceae

Noms en français : Écuelle-d'eau, Hydrocotyle commun.

Descripcioun :
L'erbo-di-granouio es uno planto di proun raro en Prouvènço. S'atrobo pamens encaro en Camargo. Es uno planto que rebalo au sòu e que fai de fuieo que douno d'èr à-n-aquéli de l'escudeleto, Umbilicus rupestris. Li flour, sènso petalo soun pichouneto (1,5 à 2 mm), groupado en enflourejado de 3 à 5 cm.

Usanço :
Li fueio soun manjadisso, mai n'en sabèn pas mai.